فلسطینی مسئلہ کو اسلام اور مسلمانوں کے خلاف دشمنی کے تمام منصوبوں میں استعمال کیا گیا ہے

فلسطینیوں نے جو ریاستی منصوبہ فروغ دیا ہے وہ اسلامی نہیں ہے ۔ بلکہ ، وہ ایک سیکولر ریاست کی حمایت کرتے ہیں ، اور وہ ملحد بنیادوں کے کمیونسٹ اور بائیں بازو کے نظریات کو اپناتے ہیں۔

شریعت کے قوانین کے بارے میں غیر مسلموں کے منفی تاثرات اس غلط فہمی کا نتیجہ ہے جس میں کچھ گمراہ کن مسلمان ملوث ہیں ۔ خاص طور پر وہ مسلمان جو شریعت کے قوانین سے گہری لاعلمی کی وجہ سے انتہا پسندی اور دہشت گردی کا رجحان رکھتے ہیں۔ ان منحرف لوگوں نے جعل سازی سے شریعت کے مقدس متون کو تبدیل کیا ، سیاق و سباق کا ادراک نہیں رکھا اور نہ ہی عربی کے لسانی اشاروں کا احساس کیا – ان گمراہ کن انتہا پسندانہ رجحانات کی وجہ سے اسلام اور مسلمان مجروح ہوۓ ، اور شریعت کا تاثر ایک غیر انسانی قانون کے طور پر ابھرا ۔

 یہ بات اسلامی شریعت نے قائم کی کہ قرآن و سنت کے واضح نصوص کے مطابق ہی لوگوں کی جان و مال کو اولین ترجیح اور  بنیادی اصول کے طور پر محفوظ رکھا جاۓ ۔

لہذا اگر فلسطینی مسئلہ اور مسلم دنیا کے خطوں میں کشیدگی کے مستقل گڑھوں کا مشاہدہ کیا جاۓ تو یہ بات مکمل طور پر واضح ہو جاتی ہے کہ بنیادی طور پر اسلامی قانون کی خلاف ورزی اور غلط تشریح ہی غلط معلومات اور غلط نظریات کا سبب بنی ۔

یہ بھی اسلام کا ایک عظیم اور معجزاتی نقطہ ہے کہ ایمان پر مبنی نظام ، خدائی اخلاقی اقدار ، عام اور مخصوص قواعد کے باوجود بھی،  اسلام جدیدیت ، سائنس ، غیر مسلموں کے ساتھ بقائے باہمی اور اچھی تفریح ​​کے منافی نہیں ہے ۔ در حقیقت ، قرآن مجید اور سنت میں بہت ساری ایسی  عبارتیں موجود ہیں جو مستقل منطقی سوچ کی حوصلہ افزائی کرتی ہیں ۔ سیکھنے ، غور و فکر ، زندگی کے حالات میں بہتری ، اور امن و استحکام کے حصول کی ترغیب دیتی ہیں۔

سلفیت کا نام غلط استعمال ہوا ہے اور کچھ جاہل مسلمان اسے ایک فرقے کی حیثیت سے استعمال کررہے ہیں۔  بہرحال ، یہ کوئی فرقہ نہیں ہے۔  یہ ہی وہ  اصلی طریقہ کار ہے جس پر اصل میں اسلام انحصار کرتا ہے۔  اس کا انحصار قرآن و سنت اور رسول اللّٰه محمّد صَلَّى اللّٰهُ عَلَيْهِ وَسَلَّم ، صحابہ کرام اور اس سے قبل کے صالحین مسلمانوں اور ان کے بعد کے نیک مسلمانوں  پر ہے۔

سلفیت مقصدیت کی نمائندگی کرتا ہے جو اسلام کا بنیادی خاصہ ہے ۔اسلام  جسے اللّٰه رب العزت نے ناانصافی ، فرقہ واریت ، نسل پرستی اور انتہا پسندانہ نمونوں سے بالاتر رکھا ۔ تاكہ لوگوں کو أن دھوکہ دینے والے نمونوں سے بچنے میں مدد مل سکے ، جو مذہبی مقدس متون کو تبدیل کرکے اپنے سیاق و سباق کے علاوہ اس کا استعمال کرتے ہیں ۔

استحکام ، سلامتی ، انفراسٹرکچر ، ترقی ، معیشت ، فکر اور ثقافت کے شعبوں میں زیادہ تر نام نہاد اسلامی ممالک پیچھے ہیں۔

بہر حال ، ان ممالک میں سے “کچھ” حکومتیں اور انکی عوام  سعودیوں کو لیکچر دینے پہ وقف ہیں ، کہ سعودیوں کو کیا کرنا چاہئے اور کیا نہیں۔

جبکہ جی 20 میں سعودی عرب 18 ویں نمبر پر ہے ، اور مقابلہ جات اور کاروبار میں آسانی جیسے بہت سے ترقیاتی پہلوؤں میں جی 20 کے کئ ممالک سے آگے ہے ، پیٹنٹ میں دنیا میں 25 ویں نمبر پر ہے ، اور اس میں جرائم کی شرح بھی کم ہے۔

 کچھ مطالعہ مراکز کے مطابق ، سعودی عرب دنیا کا پانچواں طاقتور ترین ملک سمجھا جاتا ہے۔

گمراہ مسلمان سعودی عرب سے مستقل طور پر دشمنی کرتے رہے ہیں ۔ حلانکہ یہ دنیا کی واحد ریاست ہے جو شریعت کو قانون سازی کا واحد ذریعہ سمجھتی ہے، اور توحید کو قبول کرتی ہے، اور شرک پر پابندی عائد کرتی ہے ، جبکہ بیشتر نام نہاد اسلامی ملک سیکولرازم کو اپناتے ہیں۔

 یہاں معاملہ یہ ہے کہ سعودی طریقہ کار ہمیشہ مختلف منحرف نمونوں کو بے نقاب کرتا رہا ہے۔

جہالت اور جنونیت کی وجہ سے ، گمراہ مسلمان توحید پسندی اور شریعت کو اعلی مقصد معیار کی حیثیت نہ دیتے ہیں اور نہ ہی پرواہ کرتے ہیں ۔ وہ جائز اسلامی ترجیحات کو نظرانداز کرتے ہیں ۔ اور وہ اپنے ممالک اور معاشروں کو شرک ، سیکولرازم ، جنسی بدکاری ، شراب اور پسماندگی سے نکالنے پر توجہ نہیں دیتے ۔ اگر وہ حقیقی اسلام میں سنجیدگی سے دلچسپی لیں تو اپنی تمام زندگی اسی میں مصروف رہیں گے۔

لیکن وہ ماتحت معاملات یا ان معاملات میں مشغول رہتے ہیں جو ان کے قانونی اور اسلامی اختیار سے باہر ہیں ، یا ایسے معاملات جن کی مرکزی حیثیت اور اہمیت نہیں ہے۔ جیسے کہ فلسطین ، کشمیر ، ایغور ، یمن ، عراق ، شام ، لیبیا ، افغانستان ، صومالیہ۔

اسلام (سلفیت: اصل اسلام) پر عمل کرنے میں بری طرح ناکامی ہی نے ان ممالک کو بھڑکایا اور انہیں پیچیدہ مسائل اور سرگرم متنازعہ علاقوں میں بدل دیا۔

ان کے اپنے ملک کا نظام توحید کو اہمیت نہیں دیتا جو  اسلامی اصول اور شریعت کا سب سے اہم اور اولین ستون ہے ۔

 مختلف ممالک کی فہرستوں میں ان کا ملک عالمی سطح پر پیچھے ہے اور آپ (سعودی عرب جی 20) کا احترام نہیں کرتے ؟ وہ واحد ملک ہے جس نے توحید اور شریعت دونوں کو منظم اور مقبول طریقے سے قبول کیا اور تبلیغ کی ۔  تو پھر وہ ممالک یہ دعویٰ کیسے کرسکتے ہیں کہ انہیں حقیقتا اسلامی مقاصد کی پروا ہے ، یا جن مضامین میں ان کی دلچسپی ہے وہ اہم اسلامی اسباب اور فرض ہیں؟

بدقسمتی سے ، یہ گمراہ مسلمان بگڑے ہوئے نظریات سے  سوچتے ہیں – انکے غیر دانشمندانہ نمونوں اور طریقوں کی وجہ سے دنیا میں اسلام کی مذمت ہوتی ہے ۔ وہ سعودی عرب میں موجود حرامین کی حفاظت اور سیکورٹی سے زیادہ فلسطینی مقاصد کے لئے زیادہ تشویش ظاہر کرتے ہیں ۔ سعودی عرب جو کہ قبلہ اول، وحی کا گہوارہ ، عظیم نبی محمد صَلَّى اللّٰهُ عَلَيْهِ وَسَلَّم  کی آرام گاہ ، وہ واحد ملک ہے جو توحید اور شریعت پر قائم ہے ۔

بلکہ یہ گمراہ مسلمان سعودی عرب اور دیگر مسلمانوں پر حملے کرتے رہتے ہیں۔  وہ مملکت توحید کے خلاف مستقل طور پر متحد اور اکساتے ہیں۔  وہ ہر اس خطرے سے خوش ہوتے ہیں جس سے سعودیہ کو سامنا ہو ۔ غلط عنوانوں اور جعلی دلیلوں کے تحت وہ اسلامی ہونے کا دعوی تو کرتے ہیں – حلانکہ ان کے لقب اور دلائل دار حقیقت آسان ترین اسلامی قوانین اور قرآن کے منافی ہیں۔

کیسے یہ گمراہ لوگ مسلمان ہونے کا دعویٰ  کرسکتے ہیں؟ اسلامی اسباب پر اپنے جعلی دکھاوے پر کس طرح فخر کرسکتے ہیں؟ حلانکہ وہ اسلامی اصول کا  پہلا اور اہم ترین فرض – توحید اور شریعت – کی پاسداری تک نہیں کرتے ؟

اس بیماری کی سب سے بڑی علامت اسلامی حکمرانی اور خلافت کا وہ فریب ہے جس نے دنیا بھر کے مسلمانوں کو اذیت میں مبتلا کر رکھا ہے ۔

 یہ دعوی کوئی نہیں کرتا ہے کہ مملکت سعودی عرب کامل اور بےداغ ہے۔  کیونکہ کمال اور فضیلت نا کبھی تھی اور نہ کبھی ہوگی سوائے اللّٰه کے رسول محمّد صَلَّى اللّٰهُ عَلَيْهِ وَسَلَّم  کے دور کی ۔ تو پھر آج کے دور میں اسلام کی ترجیحات کو نافذ کرنے میں یہ ریاست کا بہترین نمونہ ہے ، جو مسلمانوں کی بھلائی ، حج میں ‎اللّٰه رب العزت کے مہمانوں کی خدمات ، اور قرآن و سنت کی تبلیغ کے لئے وقف ہے ۔ اور نہ ہی اسرائیل سے اسکے کوئی تعلقات ہیں  ۔

بہت سے مسلمان ناکارہ عثمانی ریاست کی عظمت بیان کرتے ہیں اس خُمار میں کہ وہ خلافت کا عکاس تھے ، حالانکہ وہ مشرکیت کا مظہر تھے اور مظلوم مسلمانوں اور غیر مسلموں پر ظلم و ستم ڈھاتے تھے ۔

انہوں نے قبروں اور مزارات کی تعمیر اور تعظیم کی – اور توحید ، شرعی علم اور دو مقدس مساجد کی کبھی پرواہ نہیں کی ۔ اور بیت المقدس کو بھی کھنڈرات میں چھوڑ رکھا تھا ۔

عثمانیوں نے ایک فتویٰ جاری کیا تھا جس میں کتابوں کی چھپائی پر پابندی عائد تھی ، کیونکہ انکو اپنے اختیار میں توسیع کرنے کی فکر تھی۔  انکے کسی ایک سلطان نے کبھی فریضہ حج ادا نہیں کیا۔

اس سے بھی بڑھ کر ، یہاں نۓ نویلے عثمانیوں کی بہتات ہے جو ترکی کی تعریف کرتے نہیں تھکتے ۔ حلانکہ وہ ایک ایسا ملک جو آئینی طور پر سیکولر ہے ، جسم فروشی اور جنسی بے حیائی کی اجازت  دیتا ہے ، اور قبروں اور مزارات سے بھرا ہوا ہے جن کی پوجا کی جاتی ہے ، اور اسرائیل کے ساتھ بہترین تعلقات ہیں۔

گمراہ ہوے مسلمان آج ایران کی مشرک اور دہشت گرد حکومت کی حمایت کے لئے تیار ہیں – حد یہ ہے کہ  عراق ، شام ، لبنان ، یمن ، میں موجود اس کے دہشتگرد گروہوں کی حمایت میں جواز پیش کرتے ہیں –  ایرانی  حکومت توحید ، صحابہ اور سنت کے خلاف بغض رکھتی ہے۔  وہ پرامن مسلمانوں کے خلاف نفرت کو فروغ دیتے ہیں ، خاص طور پر اس مملکت کے خلاف جو واحد توحید اور سنت کا نفاذ کرتا ہے۔

کیا وہ واقعی مسلمان ہیں؟

آج کچھ مسلمان اپنی مقامی , اسلامی اور قومی ذمہ داریوں میں ناکامی کا الزام سعودی عرب پر ڈالنے کے لئے تیار ہیں۔ جبکہ ان کے اپنے ممالک لاعلمی ، مشرکیت ، سیکولرازم ، انتہا پسندی ، دہشت گردی ، نفرت ، جھوٹ ، فریب ، دھوکہ دہی ، جارحیت ، بدعنوانی ، پسماندگی اور اخلاقی زوال کا شکار ہیں۔

نام نہاد اسلامی دنیا میں بڑے پیمانے پر گمراہ مسلمان مسلسل سعودی عرب پر صہیونیت کا جھوٹا الزام عائد کرتے ہوے صہیونی ایجنٹ ہونے کا پروپیگنڈا کرتے ہیں ۔  یہ مغربی ذہانت کی جعلسازی کے سوا کچھ نہیں ہے ۔

ایک سلجھی منطق اور حقیقی مسلمان کے طور پر سوچیۓ :  کیا یہ ممکن ہے کہ کوئی غیر مسلم توحید اور شریعت قائم کرے؟  کیا کوئی غیر مسلم ایک ایسی ریاست تعمیر کریں گے جو توحید اور شریعت کو قبول کرے اور اس کی تائید کرے؟

نیز ، بہت سے گمراہ اور نام نہاد مسلمان سعودیوں کو وہابیوں کے طور پر بیان کرنا پسند کرتے ہیں – ایک ایسا کلنک جو عثمانی قبضہ نے عربوں سے دشمنی میں  ایجاد کیا – کیوںکہ عرب انکی بیرونی مداخلت کے خلاف لڑ رہے تھے اور صوفیانہ عثمانیوں کو ملک بدر کیا ۔

کیونکہ توحید  ہی سعودی عرب کی بنیاد ہے ، جب سے اس ریاست کا آغاز 1744 میں ہوا – وہ سعودیوں کو مختلف نامناسب القاب اور بیانات سے تعبیر کرنا پسند کرتے تھے ، جو نسل پرستی کی حد اور اسلام سے دوری کی علامت تھی۔

میں واضح طور پر آپ کو بتاتا چلوں: گمراہ مسلمان شیطان کے بہترین سپاہی ہوتے ہیں ، کیونکہ وہ توحید اور سنّت کا احترام نہیں کرتے اور نہ ہی وہ مملکت توحید سعودی عرب کا احترام کرتے ہیں ، وہ واحد ملک جو ان کو گلے لگاتا رہا – وہ اس پر حملہ اور برائی کرنے سے باز نہیں آتے۔

 اور نہ ہی انہوں نے خود کبھی ایسی کوئی ریاست بنائی جو خالصتا مادہ پرست پہلو سے بھی قبل احترام کہلائی جا سکے ۔ 

کیا وہ اس حماقت اور بیوقوفی میں جینا پسند کرتے ہیں؟

 اسلام – افراد اور اقوام کے لئے طرز زندگی کا ایک ایسا جامع نظام ہے جس کا انحصار سب سے پہلے توحید  (پہلی مطلق قدر) ، پھر اسلام کے ستونوں پر ، پھر ایمان (ٹھوس عقیدے) اور أخر میں طرز عمل پر ہوتا ہے ۔ ایک ایسے  وسیع تر قیمتی نظام کے تحت ، قواعد جو باقاعدہ جائز مقاصد کے لئے ہوں ۔

اور یہ ہیں وہ جائز مقاصد:

اسلام کی حفاظت (جو توحید پر مبنی ہو)۔
لوگوں کی زندگیوں کی حفاظت۔
ذہن کی حفاظت۔
نسل کی حفاظت۔
مال اور املاک کی حفاظت۔

دنیا میں کتنے ممالک ہیں کہ جو :

آئینی طور پر توحید پر عمل درآمد کرواتے اور شرک کو روکتے ہیں ؟
  انسانی زندگیوں کو مادی مفادات پر ترجیح دیتے ہیں ؟
قوم کے ذہنوں کو شراب ، منشیات اور تباہ کن نظریات سے محفوظ رکھتے ہیں ؟
 صحیح قواعد و ضوابط ، اچھے انفراسٹرکچر اور پائیدار ترقی کے ذریعے مال اور املاک کی حفاظت کرتے ہیں ؟
  زنا اور جنسی بدکاری کو جرم مانتے ہیں ؟

یہ اسلام کی پہلی ترجیحات ہیں

پھر مندرجہ ذیل ترجیحات کے بعد ، اسلام میں کردار اور ذمہ داریوں کی تقسیم اور درجات ہیں – جو فرد ، کنبہ ، معاشرے اور ریاست کو محفوظ رہنے میں مدد فراہم کرتے ہیں۔

مرد کے اپر اپنے گھر والوں کی ذمہ داری ہے کہ وہ ان کی اچھی طرح سے دیکھ بھال کرے – پھر عورت کے لئے اپنے اندرونی خاندانی معاملات کی ذمہ داری ہے کہ وہ ان کی اچھی طرح سے دیکھ بھال کرے ۔ وزارت میں وزیر ، منیجر اپنے شعبے میں ، تاجر یا کاروباری عورت اپنے اپنے اسٹیبلشمنٹ یا کمپنی میں وغیرہ۔

بادشاہ ، صدر یا سپریم لیڈر سب سے پہلے اپنی ریاست اور عوام کا ذمہ دار ہوتا ، تاکہ انکا اچھی طرح سے خیال رکھا جا سکے ۔

اور تمام لوگ — بطور فرد یا مجموعی طور پر — مقامی مروجہ قوانین کے مطابق ، اپنی ریاست ، آزادی اور سرحدوں کے ذمہ دار ہیں۔  سعودی عرب میں جو کچھ ہوتا ہے اس کے لئے کوئی پاکستانی ذمہ دار نہیں ہے ، اور مصر میں ہونے والے واقعات کا سعودی ذمہ دار نہیں ہے ، لبنان میں ہونے والے واقعات پر اماراتی ذمہ دار نہیں ہیں ، اور انڈونیشیا میں ہونے والے واقعات کے لئے مراکش ذمہ دار نہیں ہے۔

حکمراں ، قائدین اور شہری اس بات پہ حق بجانب ہیں کہ ان کے ملک میں کیا فیصلے ہوتے ہیں ۔ اگر حکمران  نے کسی مخصوص پالیسی کا فیصلہ کیا ہے ، تو پھر آپ کو خلاف ورزی کرنے کا کوئی حق نہیں ہے ۔ لہذا آپ کی  رائے کی درستگی سے قطع نظر ، آپ کو سننا ہے اور اطاعت کرنی ہے – آپ مناسب طریقوں سے تنقید کرنے کے اہل ہیں – اور یہ اسلامی قانون کے مطابق قرآن و سنت میں واضح طور پر بیان کیا گیا ہے ،یا پھر ابتدائی سلف صالحین علماء کے عمل سے ۔

شریعت کے مطابق ، ریاست کا سربراہ (بادشاہ یا صدر) یہ فیصلہ کرنے کا مجاز ہے کہ کسی دوسرے ملک میں لوگوں کی مدد کرنا ممکن اور جائز ہے یا نہیں ۔ اور وہی یہ فیصلہ کرنے والا ہے کہ کس طرح اور کس قسم کی مناسب امداد کرنی ہے ۔ اور کون سے قانون ساز ، نگران اور ایگزیکٹو اتھارٹی اس پر عمل درآمد کرنے کے مجاز ہوں گے ۔

میں یہ تفصیلی معاملات جان بوجھ کر پیش کررہا  ہوں ، کسی کو الجھانے کے لئے نہیں – بلکے اس لئے کہ بہت سارے مسلمان اسلام سے لاعلمی ، جہالت اور آسان ترین اسلامی اصولوں سے مطلق غفلت میں مبتلا ہیں – یہاں تک کہ معمول کے ذاتی مفادات کو سنبھالنے میں بھی غفلت کا شکار ہیں ، لیکن بات وہ خلافت کی اور  فلسطین اور کشمیر کو آزاد کرنے کی اور امریکہ ، چین اور صیہونیت کا مقابلہ کرنے کی کرتے ہیں ۔

اس سے بھی بدتر بات یہ ہے کہ لندن ، پیرس ، برلن ، ویانا ، واشنگٹن ، مونٹریال ، بیونس آئرس ، بیجنگ اور ماسکو — عیسائیت ، سیکولرازم اور الحاد — کے دارالحکومتوں میں رہنے والے کچھ گمراہ مسلمان توحید اور شریعت پہ قائم اور اسلام کے گہوارے سعودی عرب پر تنقید کرنے اور تہمت لگانے کو اپنا حق سمجھتے ہیں ۔ اور  اس کی مخالفت اسلام کے بہانے کرتے ہیں ۔

کسی بھی ملک کے مسائل کا حل قرآن و سنت کے واضح مقدس متون پر انحصار کے ذریۓ اور ترجیحات کے مطابق شریعت اور اسلامی پالیسی پر عمل کرنا ہے۔

اگر آپ کسی مسلمان ملک میں رہتے ہیں ، تو آپ نیک الفاظ اور شائستگی سے ، مناسب منصوبہ بندی کے ذریعے اپنے ملک کی اصلاح کے لئے اپنی پوری کوشش کریں ۔ اور اصلاح و شعور اجاگر کرنے کے لئے ایک چلتا پھرتا نمونہ بنیں۔

اور اگر آپ کسی غیر مسلم ریاست میں رہتے ہیں – اور اگر آپ کر سکتے ہوں، تو آپ کو چاہئے کہ سب سے پہلے  اپنے ملک اور اپنی مسلم کمیونٹی میں واپس جایئں اور وہاں سے آغاز کریں ۔

اگر اب آپ کا تعلق ایک غیر مسلم ریاست سے ہے ، جہاں  آپ مستقل طور پر رہتے ہوں ، تو آپ کو اس کے قوانین کا احترام کرنا چاہئے ۔ اور لوگوں کو اس شائستگی سے اسلام کی دعوت دینا چاہئے جس طرح وہاں کے قومی قوانین اجازت دیتے ہوں ۔ اور یہ ہرگز جائز نہیں کہ آپ اپنے غیر مسلم رہائشیوں کو مشتعل کریں یا ان کی ثقافت ،  مقدّسات اور علامتوں کی توہین کریں ۔

فلسطینی مسئلہ

چلیں دوبارہ فلسطینی مسئلہ کی طرف ۔ جہاد کے اسلامی قوانین واضح اور شفاف ہیں ۔ لہذا اگر فلسطینی فوجی طاقت سے نہیں جیت سکتے تو گناہوں سے بچنے کے لئے انسانی جانوں کو بچانا لازم ہے ۔ اللّٰه رب العزت کسی کی طاقت سے زیادہ اس کی روح پر بوجھ نہیں ڈالتا ۔

ایسی صورتحال میں ، جہاں فتح حاصل کرنے میں ناکامی کے زیادہ امکان موجود ہوں ،تو پھر وہاں جان و مال کو بچانے کے لئے امن قائم رکھنا اسلامی ذمہ داری ہے۔

اس اصول کا اطلاق ۔۔ فلسطین ، کشمیر ، ایغور ، لیبیا ، شام ، عراق ، یمن اور افغانستان اور ہر اس جگہ پر کیا جاسکتا ہے جہاں مسلمان جنگ اور قبضے کی پریشانی سے دوچار ہیں ۔ اس ملک کے عوام کی بنیادی ذمہ داری ہے ، کہ غیر یقینی صورتحال میں فتح کی توقعات کو غالب نہ انے دیں ۔

درحقیقت ، اللّٰه تعالٰی کا قانون سیاسی تنازعات اور سیاسی تبدیلیوں کو منع کرتا ہے سوائے اس کے کہ شرعی اصول و ضوابط کے مطابق ہوں ، تاکہ تبدیلی بہتری کے لئے ہو ۔  تاکہ تبدیلی لانے کے نتیجے میں اس سے بھی بدتر نتائج یا تباہ کن واقعات پیدا نہ ہوں جیسے انقلابات ، مظاہرے ، ہجوم احتجاج اور لامتناہی جنگیں ۔

میں واضح طور پر اور پر زور طریقے سے کہنا چاہتا ہوں

فلسطین مسئلہ اسلام کا بنیادی مسئلہ نہیں ہے ۔ اس کا  تعلق نام نہاد لیجیٹمیٹ اسلامی پالیسی سے ہے ، جو ریاست کے فیصلوں کے نتیجہ میں توقع شدہ فوائد اور نتائج کا اندازہ اور جائزہ لینے کے لئے بنتے ہیں۔

اور اللّٰه کی طرف سے رحمت ہے ۔ شریعت کا سب سے اہم مقصد لوگوں (مسلمانوں اور غیر مسلموں) کی جانوں کی حفاظت کرنا ہے – اور اللّٰه رب العزت  نے اپنی رحمت کی مطلق حقیقت کو قائم کیا جب اللّٰه نے کہا

اللّٰه کسی شخص کو اس کی طاقت سے زیادہ تکلیف نہیں دیتا .القرآن ، سوره البقرہ – آیات  286

رسولُ اللّٰه صَلَّى اللّٰهُ عَلَيْهِ وَسَلَّم  نے فرمایا: [ اگر میں نے آپ کو کچھ کرنے کا حکم دیا ، تو اس میں سے جتنا ہو سکے کرو]  – صحیح البخاری 7288 ۔

اگر آپ کے ملک کی قیادت یہ سمجھتی ہے کہ وہ عسکری ، سیاسی یا معاشی طور پر دوسرے مسلمانوں کی مدد کرنے سے قاصر ہے تو آپ کو اس کا احترام کرنا چاہئے – اور  مقامی قانونی طریقوں سے انکی مدد اور انکی حمایت  جاری رکھیں جو اسلامی قانون کے اصولوں کے منافی نہیں ہوں ۔

سعودی عرب ، پاکستان ، مصر ، انڈونیشیا ، برطانیہ ، فرانس ، امریکہ ، چین ، روس ، مراکش اور جنوبی افریقہ میں مقیم مسلمان  ۔۔۔ آپ فلسطین ، کشمیر ، شام یا کسی بھی جگہ کے شرعی طور پر ذمہ دار نہیں ہیں ، سواۓ اپنے ملک کے ۔

لیکن کیوں؟ میں پھر دہرا دوں ۔

 اسلامی قوانین میں کرداروں اور ذمہ داریوں کی تقسیم میں درجہ بندی موجود ہے۔

ہر مسلمان کو جائز اسلامی ذمہ داریوں کے مطابق ، اپنی تمام تر صلاحیتوں کے ساتھ کوشش کرنا  ہے ، جو شرعی اصول و ضوابط سے متضاد نہ ہوں ۔

بطور مسلمان ، یہ آپ کی ذمہ داریوں میں سے ایک ہے کہ آپ زمین پر اسلام کا نمونہ بن کر چلیں ۔ اول ، اللّٰه رب العزت کی خوشنودی کے لئے ۔ دوم ، لوگوں میں اللّٰه  کے دین کی عظمت کو دکھانا ۔ لہذا آپ ان کو اپنے اعلی آداب اور علم کے ساتھ اسلام کی دعوت دیتے رہیں ، اور اللہ کی دلیل کو قائم کریں ۔

 آپ اگر انتہا پسندی ، دہشت گردی یا کسی بھی غیر اخلاقی نظریے کو اپناتے ہیں – تو اسلام کے مطابق ، آپ بلاوجہ اسلام مخالف بن جاتے ہیں ، یہاں تک کہ پر امن غیر مسلم بھی آپ سے بہتر ہو جاتے ہیں ۔

شریعت کے اخلاقی اور قانونی اصول معقول طور پر الله کے حکم کے ذریعہ طے کیے جاتے ہیں ، آپ کی خواہش مند سوچ پر مبنی نہیں – چاہے آپ مسلمان ہونے کا کتنا بھی دعوی اور مظاہرہ کیوں نہ کریں۔

کچھ حکومتیں اور گھمرہ گروہ اپنے کرپٹ عقائد ، رومانٹک خُمار ، خیالی پلاؤ ، اور جھوٹی تمناؤں پر مبنی بدعنوان نظریات کو فروغ دے رہی ہیں ۔  جیسے کہ شیعہ ایران اور تصوف اور نقشبندی پر قائم ترکی ۔

غلط خواہشات کا یہ جذبہ سب سے خطرناک ہے –  نہ صرف یہ مسلمانوں کی بیداری کو بلکہ ان کی زندگیوں اور آخرت سب  کو خراب کردیتا ہے – مزید یہ کہ اسلام کے خالص تصور کو مسخ کر دینے سے غیر مسلموں کی حوصلہ شکنی اور غور و فکر و شعور کے مواقع بھی ختم کردیۓ  جاتے ہیں ۔

اسلام مخالف حکومتیں جیسے ایران اور ترکی ، اور ان کے گروہوں کے پرستار پیروکار جیسے اخوان المسلمون ، القاعدہ ، داعش ، تکفیری گروپ اور عراق ، شام ، لبنان اور یمن میں موجود شیعہ ملیشیا ۔ 

آپ کو خود ہی ان کے تکفیری عزائم کے نتائج نظر آئیں گے ۔ جہاں جہاں بھی یہ اثر انداز ہوۓ وہاں وہاں آپ کو  شرک ، قتل عام ، قتل وغارت گری ، بربادی اور جرائم  دکھے گی ۔

ٰمسلمانوں کے لئے مسجد اقصی کی اہمیت اور مقام اپنی جگہ مگر فلسطینیوں اور تمام مسلمانوں کی روحوں سے زیادہ اہم نہیں ۔ بلکہ خود کعبہ بھی ، اپنی عظمت اور اسلام میں اس کے مقام کے باوجود سعودیوں اور تمام مسلمانوں کی روح سے زیادہ اہم اور عظیم تر نہیں۔

فلسطینیوں نے جو ریاستی منصوبہ فروغ دیا ہے وہ اسلامی نہیں ہے۔  بلکہ ، وہ ایک سیکولر ریاست کی حمایت کرتے ہیں ، اور وہ ملحدیت پسندی کی بنیاد پرست کمیونسٹ اور بائیں بازو کے انتہا پسند  نظریات کو اپناتے ہیں ۔ اسلامی جواز اور نظریات کا دعوہ کرنے والے تو ہیں ، جبکہ حقیقت میں صورت الٹ ہے۔

یہ ہمارا اسلامی فریضہ ہے ، بطور سعودیوں اور غیر سعودیوں کے کہ ہم ہر اس چال کو بےنقاب کریں جس نے ہمیں فلسطین کے نام پر جذباتی ، اخلاقی ، مذہبی ، سیاسی ، معاشی اور فوجی طور  پر بلیک میل کیا ہوا ہے ۔ آزادی اسلامی شریعت کے قوانین کے مطابق لوگوں کی زندگی اور سکوں سے زیادہ اہم نہیں ۔

فلسطینی مسئلہ کو اسلام اور مسلمانوں کے خلاف دشمنی کے تمام منصوبوں میں استعمال کیا گیا ہے , بلخصوص سعودی عرب کے خلاف ۔ سرزمین توحید سعودی عرب کے نام اور مقدس اسٹیٹس کو نشانہ بنایا گیا ۔ مسلمانوں کا دل سرزمین حرمین سے مخالف کیا سب فلسطین کے نام پر ۔

اخوان المسلمون کا دہشت گرد گروہ ، دہشت گرد تنظیم القاعدہ ، دہشت گرد تنظیم داعش ، دہشت گرد اور مجرم ایرانی حکومت ، جارحانہ حملہ أور عزائم والی ترک حکومت ، سب کے سب کرپٹ اور اپنے اپنے مفاد کے حامل ہیں ۔

یہ سبھی فلسطینی مسئلہ کو مسلمانوں کے قتل اور ان کو نقصان پہنچانے کے لئے کرتے ہیں ۔ اور دوسرے ممالک کے معاشروں کو ، سلامتی اور قومی صلاحیتوں کو تباہ کرنے کے لئے استعمال کرتے رہے ہیں۔

مغربی ملحد کے ساتھ مل کر ایرانی، ترک اور قطری شیطانوں نے نام نہاد عرب اسپرنگ منصوبے کی سرپرستی کی ، جس نے مسلمان ملکوں کو تباہی میں اور لوگوں کو گروہوں ، چوروں اور خوف زدہ لوگوں میں تبدیل کردیا ۔

یہ تمام جماعتیں جو اسلامی اسباب کو استعمال کرتی ہیں ، بلخصوص  فلسطینی مسئلہ کو ، انہوں نے گذشتہ 70 سالوں سے فلسطینیوں یا دوسرے مسلمانوں کو کچھ فراہم نہیں کیا۔  نہ آزادی ، نہ ریاست ، نہ وقار ، نہ حقوق ، نہ ترقی ، نہ خوشحالی ، یہاں تک کہ انسانی امداد بھی نہیں۔

جبکہ سعودی عرب (ریاست توحید و شریعت) کئی عشروں سے خصوصا فلسطین کے تمام عطیات اور امداد  میں سب سے آگے رہا ہے۔ فلسطینی اتھارٹی کا بجٹ بنیادی طور پر سعودی حمایت پر منحصر ہے ۔

اور اس کے برعکس ترکی اور ایران نے سرزمین پر کسی بھی ملک  کو کوئی حقیقی امداد فراہم نہیں کی ہے اور نہ فلسطین کو ۔  البتہ دونوں نے اپنی معاشیات اور صلاحیتوں کو شرک ، بدکاری ، نفرت ، تنازعات اور جنگوں کو برآمد کرنے میں صرف کیا ہے۔

تركي،بن،علي،العويرضي یرالڈ رپورٹ کے ایڈیٹر ان چیف اور سیاسی تجزیہ کار ہیں۔ بیشتر مسلم دہشت گرد تنظیموں کے مذہبی نقشوں کے بارے میں ان کا علم ہی اس کے بہت سے “تنازعات کے تجزیوں” کو دنیا بھ کے سیکیورٹی کے متعدد ماہرین کے لئے معلومات کا ایک قیمتی ذریعہ بنا دیتا ہے۔

چہرے میں ردوبدل کرنے والا روسی کمپنی کا ’فیس ایپ‘ صارفین میں انتہائی مقبول ہو رہا ہے لیکن کئی مغربی سیاستدانوں نے خبردار کیا ہے کہ اس ایپ کو ڈاؤن لوڈ کرنے سے ان کا ڈیٹا غلط ہاتھوں میں جا سکتا ہے ۔

سعودی نیشنل سائبر سکیورٹی اتھارٹی نے سوشل میڈیا صارفین کو خبردار کیا ہے کہ ’’فیس ایپ ‘‘ کا استعمال نہ کریں۔

سائبرسکیورٹی اتھارٹی کے مطابق صارفین اس ایپ کو فوٹو لائبریری یا فوٹو شاپ تک رسائی نہ دیں کیونکہ ایسا کرنے کی صورت میں راز داری اور معلومات کو خفیہ رکھنے کی ضمانت نہیں دی جاتی ۔

شرعی حکم : آیئے سب سے پہلے تصویر کے بارے میں شریعت اسلامیہ کا کیا حکم ہے اس کا مطالعہ قرآن و سنت اور علمائے امت کی روشنی میں کر لیتے ہیں ، ہر مسلمان کو اللہ کے رسول صلی اللہ علیہ وسلم کا یہ پیغام ہمیشہ یاد رکھنا چاہئے ۔ کہ آپ صلی اللہ علیہ وسلم نے فرمایا: إِنَّ أَشَدَّ النَّاسِ عَذَابًا عِنْدَ اللَّهِ يوْمَ الْقِيامَةِ الْمُصَوِّرُونَ [صحيح بخاري كتاب اللباس باب عذاب المصورين يوم القيامة (5950)] الله کے ہاں قیامت کے دن سب سے سخت عذاب تصویریں بنانے والوں کو ہوگا۔ مزید فرمایا : أَشَدُّ النَّاسِ عَذَابًا يوْمَ الْقِيَامَةِ الَّذِينَ يضَاهُونَ بِخَلْقِ اللَّهِ [صحيح بخاري كتاب اللباس باب ما وطئ من التصاوير (5954)] قیامت کے دن سب سے زیادہ سخت عذاب ان لوگوں کو ہوگا جو اللہ کی تخلیق کی نقالی کرتے ہیں ۔ مندرجہ بالا احادیث اور دیگر بہت سے دلائل تصویر کی حرمت پر دلالت کرتے ہیں , اور یہ ایسا مسئلہ ہے کہ جس پر امت کا اتفاق ہے ۔

اور جو اختلاف ہے وہ اس بات میں واقع ہوا ہے کہ تصویر بنانے کے جدید ذرائع فوٹوگرافی , وغیرہ کیا حکم رکھتی ہے ؟ کچھ اہل علم کی رائے یہ ہے کہ یہ تصاویر نہیں ہیں بلکہ یہ عکس ہے , اور عکس کے جواز میں کوئی شک نہیں ہے , لہذا فوٹو گرافی جائز اور مشروع عمل ہے ۔

جبکہ اہل علم کا دوسرا گروہ اسے بھی تصویر ہی سمجھتا ہے اور کہتا ہے کہ یہ تصویر کی جدید شکل ہے , چونکہ تصویر کی حرمت میں کوئی شبہہ نہیں ہے , لہذا فوٹو گرافی اور ویڈیو ناجائز اور حرام ہے ۔
اہل علم کا ایک تیسرا گروہ یہ رائے رکھتا ہےکہ یہ تصویر ہی ہے , لیکن بامر مجبوری اور ضروری کاغذات یا آئی ڈی وغیرہ حکومتی قانون نے ہماری حفاظت و شناخت کیلئے جو ہمارے اوپر لازم کیا ہے اس کو بنانے اور رکھنے میں کوئی حرج نہیں ہے اسی طرح ہم دین کی دعوت و تبلیغ کی غرض سے ویڈیو کو استعمال کرسکتے ہیں ۔ یہ رائے اکثر اہل علم کی ہے جن میں عرب وعجم کے بھی بہت سے علماء شامل ہیں ۔

محدث عصر محمد ناصر الدین البانی رحمة اللہ علیہ فرماتے ہیں:
اگرچہ ہم تصویر کی ہر دو نوع (تصویر بنانا اور لٹکانا) کی حرمت کے پورے وثوق سے قائل ہیں لیکن اس کے باوجود ایسی تصویر جس سے کوئی یقینی فائدہ حاصل ہوتا ہو اور اس سے کوئی شرعی ضرر لاحق نہ ہو، کو بنانے میں ہم کوئی مانع نہیں سمجھتے۔ بشرطیکہ یہ فائدہ اس جائز طریقے کے سوا حاصل ہونا ممکن نہ ہو جیسا کہ طب وجغرافیہ میں تصویر کی ضرورت پیش آتی ہے، یا مجرموں کو پکڑنے اور ان سے بچاو وغیرہ کے سلسلے میں۔ تو یہ تصویریں شرعاً نہ صرف جائز بلکہ بسا اوقات واجب بھی ہوجاتی ہیں ۔

علامہ شیخ ابن عثیمین رحمہ اللہ نے ذی روح کی تصویر کی دو قسمیں بیان کی ہیں.

1 – جو ہاتھ سے بنائی گئی یا پینٹنگ کی گئی یا ڈرائنگ کی گئی ہو یہ مطلقا سراسر حرام ہے ۔
2- کیمرے سے لی گئی تصویر یہ عکس کی طرح ہے اور نبی اکرم صلی اللہ علیہ وسلم کے زمانے میں نہ پائی جانے کے سبب اجتھاد کی بنیاد پر حلال کہنا حرام سے زیادہ احوط ہے ، لھذا کچھ شرطوں کے ساتھ جیسے فحش تصویریں ، غیر محرم عورتوں کی تصویریں ، اسی طرح البم کے اندر اگر کوئی یادگار کیلئے نہ رکھے تو ان شا ء اللہ جائز ہے اسی طرح اس دور جدید میں دین کی اشاعت کیلئے ویڈیوز کا استعمال بہتر اور فائدہ مند ہے ۔
اب رہی بات فیس ایپ کی تو تین وجوہ کی بنیاد پر اسے ناجائز کہا جا سکتا ہے.

2– اس ایپ کے اندر دھوکہ دہی کی تمام صورتیں پائی جاتی ہیں۔

2- اگر مرد اپنی شکل کو عورت میں تبدیل کرتا ہے ، یا عورت اگر اپنی شکل کو مرد میں تبدیل کرتی ہے ایسے مرد و عورت پر اللہ کے رسول صلی اللہ علیہ وسلم نے لعنت بھیجی ہے ،( لھذا اگر کوئی تصویر کے ساتھ بھی ایسا کرتا ہے تو اسی ضمن میں شمار کیا جائے گا ۔) (ابن ماجہ:1903، عن ابی ہریرہ رضی اللہ عنہ)

3 – بچپن کو جوانی یا جوانی کی تصویر کو پڑھاپا میں تبدیل کر کے رکھنا یا دیکھنا یہ مستقبل کا علم رکھنے اور اس پر یقین کرنے کی طرح ہے ۔
اس لئے اس سے بچنا اور بچانا بے حد ضروری ہے ۔ و اللہ اعلم

اللہ رب العلمین ہمیں ان خرافات سے دور رہنے کی توفیق بخشے ، اور ہمیں جہنم کے عذاب سے بچائے ۔ آمین ۔

یہ مضمون ڈاکٹر خورشید عالم علیگ حفظہ اللہ ، لکھنو ۔ کی توجہ اور ان کی فرمائش پہ قارئین کرام کی خدمت میں پیش کرنے کی ادنی سی کوشش کر رہا ہوں ۔

جھوٹ نمبر 1 – محمد بن سلمان کی تعلیم امریکہ میں ہے جس کی وجہ سے وہ امریکہ کے اشارے پہ کام کر رہے ہیں ۔
آٸینہ حقیقت آپ نے بنیادی تعلیم ریاض کے اسکولوں میں حاصل کی۔ آپ 2003 میں ثانوی تعلیم فراغت کے مرحلہ میں مملكت كی سطح پر ٹاپ ٹین طلبہ ميں شامل تھے۔ آپ نے تعلیمی مرحلہ کے دوران خصوصی کورسز اور پروگرام حاصل کیے۔ آپ نے کنگ سعود یونیورسٹی سے قانون میں بیچلر کی ڈگری حاصل کی اور اپنی بیج میں دوسری پوزیشن حاصل کی۔

جھوٹ نمبر2- امریکہ کے اشارے پر کام کر رہے ہیں ۔
آٸینہ حقیقت –
امریکی اخبار بلومبرگ کو انٹرویو دیتے ہوئے ولی عہد محمد بن سلمان کا کہنا تھا کہ ریاض واشنگٹن کا سعودی عرب کی سکیورٹی کے لیے احسان مند نہیں ہے اور ‘ہم نے امریکہ سے اسلحہ خریدا ہے، یہ ہمیں مفت میں نہیں دیا گیا ۔

انھوں نے کہا: ‘سعودی عرب امریکہ سے پہلے بھی قائم تھا۔ اس کا قیام 1744 میں عمل میں آیا۔ میرے خیال سے امریکہ سے 30 سال پہلے۔ اور میرا خیال ہے کہ صدر اوباما نے اپنے آٹھ برسوں میں نہ صرف سعودی عرب بلکہ مشرقِ وسطیٰ کے خلاف کام کیا۔ امریکہ ہمارے ایجنڈے کے خلاف تھا مگر پھر بھی ہم نے اپنے مفادات کا تحفظ کیا۔ بالآخر ہم کامیاب ٹھہرے اور اوباما کی قیادت میں امریکہ ناکام ہو گیا، 33 سالہ سعودی شہزادے نے کہا کہ ٹرمپ کے عہدۂ صدارت سنبھالنے کے بعد سے سعودی عرب نے امریکہ سے 110 ارب ڈالر کا اسلحہ خریدا ہے ،
انھوں نے کہا کہ ان معاہدوں میں یہ بھی شامل ہے کہ کچھ اسلحہ سعودی عرب میں تیار کیا جائے گا ۔
اس بیان سے بالکل صاف ہے سعودی عرب امریکہ کے دباٶ میں نہیں بلکہ ملک و ملت کے مفاد کی خاطر معاہدے کر رہا ہے ۔

جھوٹ نمبر 3 – محمد بن سلمان کو کسی کا حق مار کر ولی عہد بنایا گیا۔
آٸینہ حقیقت اپریل 2015 کو آپ کو شاہی حکم نامہ سے ولی عہد اور سعودی وزراء کابینہ کے صدر کا نائب دوم متعین کیا گیا۔ آپ کو آپ کے چچا زاد ولی عہد اور وزیر داخلہ محمد بن نایف بن عبد العزیز آل سعود کی سعودی بيعہ اتھارٹی کی طرف سے معزولی کے بعد جون 2017 کو ولی عہد مقررکیا گیا۔

جھوٹ نمبر 4 – محمد بن سلمان کی غلط پالیسیوں سے سعودی عرب تباہی کی طرف جارہا ہے ۔
آٸینہ حقیقت – محمد بن سلمان مكہ مکرمہ اور مشاعر ِ مقدسہ کے لیے رائل کمیشن کے صدر ہیں، جس کا مقصد مکہ مکرمہ شہر اور مشاعرِ مقدسہ میں سروسز کے معیار کو ان مقامات کی قدسیت اور مکانت کی وجہ سے بہتر بنانا اور اللہ کے گھر کے مہمان معتمرین اور حجاج کرام کے لیے سروسز کے حصول کو آسان بناناہے۔
امير محمد بن سلمان نے تاریخی مساجد ترقیاتی منصوبہ لاؤنچ کیا، جس کا مقصد دین اسلام میں ان کی اہمیت کے پیش نظر ان کی حفاظت اور ان کو عبادت کے لیے تیار کرناہے۔

آپ نے سعودی ويژن 2030 پیش کیا ، جس کا مقصد تیل پر انحصار کی بجائے دیگر معاشی راہ داریوں کو وسعت دینے کے بارے میں فیصلہ کیا گیا ، آپ نے اپنے اس عزم کا اظہار فرمایا کہ سعودی حکومت کا تیل پر سے انحصار ختم کر دیا جائے گا جسے آپ نے ” لَت” سے تعبیر کیا ہے۔

آپ نے حوثيوں کے خلاف یمن میں جنگ کی قیادت کی۔ آپ نے ایران کے جوہری معاہدے کی مخالفت کرتے ہوئے ایران کے ایٹمی صلاحیت کی صورت میں سعودیہ کو ایٹمی ملک بنانے کی دھمکی دی۔
دی ایکونومسٹ میگزین نے آپ کو اپنے والد شاہ سلمان بن عبد العزیز آل سعود کی حکومت کے پیچھے ایک طاقتور شخصیت سے تعبیر کیا۔

2017 میں امریکی ٹائم میگزین نے آپ کو قارئین کی طرف سے سالانہ شخصیت منتخب كيا۔اسی طرح امریکی فارن پالیسی میگزین نے اپنے 2015م کے 100 اہم مفکرین کی سالانہ فہرست میں آپ کو دنیا کے مؤثر رہنما کے طور پر منتخب کیا۔2018 م میں فوربس میگزین نے دنیا کے موثر ترین شخصیات کی فہرست میں آپ کو منتخب کیا۔

جھوٹ نمبر 5 – محمد بن سلمان کو اغوا اور قتل کردیا گیا ۔
آٸینہ حقیقت – “خبر” سعودی ولی عہد شہزادہ محمد بن سلمان کے تقریباً ایک ماہ سے منظر عام سے غائب رہنے کے بعد ایرانی میڈیا کی جانب سے رواں ہفتے یہ افواہیں گردش کرنے لگیں کہ محمد بن سلمان گزشتہ ماہ سعودی حکومت کا تختہ الٹنے کی مبینہ کوشش کے دوران ہلاک ہوئے۔عرب ٹی وی کے مطابق سعودی ولی عہد کے نجی آفس کے ڈائریکٹر بدر العساکر نے ان تمام افواہوں کو رد کرتے ہوئے ٹویٹ کے ذریعے ایک تصویر شیئر کی، جس میں محمد بن سلمان دیگر عرب رہنماٶں کے ہمراہ نظر آئے۔انہوں نے کہاکہ چند روز قبل سامنے آنے والی ایرانی میڈیا کی رپورٹس سے ان افواہوں کو تقویت ملی جس میں بے نام عرب ریاست کو بھیجی گئی اسی خفیہ سروس رپورٹ کے حوالے سے محمد بن سلمان کے ممکنہ طور پر زخمی ہونے اور ہلاکت کا دعویٰ کیا گیا۔
اور یہ سو فیصد جھوٹ ابھی آپ دیکھ رہے ہیں کہ محمد بن سلمان پاکستان اور بھارت کا دورہ کر رہے ہیں ۔

جھوٹ نمبر 6 – سعودی صحافی خاشقجی کا قتل محمد بن سلمان کے اشارے پر کیا گیا۔
آٸینہ حقیقت – امریکی وزیر خارجہ مائیک پومپیو نے اب بیان دیا ہے کہ وہ تمام انٹیلیجنس رپورٹیں جو ان کی نظروں سے گزری ہیں ان کی بنیاد پر کہہ سکتے ہیں کہ شہزادہ محمد بن سلمان اور سعودی صحافی جمال خاشقجی کے قتل میں براہ راست ملوث نہیں ہیں ۔

خاشقجی کیس اور ترکی قطر کی ناکامی
خاشقجی مسئلے کو لیکر مملکت سعودی عرب کے خلاف ترکی اور قطر نے عالمی میڈیا خصوصا امریکی میڈیا میں کروڑوں ڈالر خرچ کئے اپنے محسن عظیم فارسی رافضی ایران کی مصلحت میں اور یمن میں سعودی اتحاد کو نکلنے پر مجبور کرنے کیلئے۔۔۔ لیکن ان کی ساری منحوس کوششیں ھباءً منثورًا ہو گئیں اور انکی ساری آرزو خاک میں مل گئی اس وقت جب امریکی وزیر خارجہ نے یہ بیان دیا کہ خاشقجی کیس میں سعودی حکومت کا کوئی ہاتھ نہیں ہے اور نہ ہی کوئی ریکارڈنگ ہمیں صحیح ملی جو دیا گیا وہ ترکی من گھڑت ہے۔۔۔ سعودی کے ساتھ ایران کے خلاف اور یمنی حل کیلئے ہمارا ساتھ جاری رہے گا۔۔۔

فرانس کے وزیر اعظم نے تو یہاں تک کہہ دیا کہ ترکی کو اب اس مسئلے میں سعودی سے معافی مانگ لینی چاہیے ۔۔۔ کیونکہ اس نے سعودی کو بہت بدنام کیا ہے۔۔۔

اخوانیوں کا قاتل گروہ تو از مسئلے کو لیکر سعودی پر حملہ کرانا چاہتا تھا۔۔۔ اس پر اگلے پوسٹ میں۔
اللہ تعالی حرمین اور خاد الحرمین کو سلامت رکھے ، یہودی ، رافضی ، اور اخوانی فتنہ سے بھی محفوظ رکھے ۔

ایرانی پریس ٹی وی سے لیکر الجزیرہ کے مہدی حسن تک، ہر شخص اس کہانی کو سعودی کے خلاف استمعال کررہے ہے

ہر ذرائع ابلاغ چینل نےاس رپورٹ كو واشنگٹن کی غیر سرکاری تنظیم ” شیعہ حقوق و ضوابط مشاهده” کی بنیاد اور حوالے سے رپورٹ پیش کی ہے ایسا اداره جسے آٹھ سال قبل  مصطفی اخوند نے قائم کیا جو جارج میسن یونیورسٹی ورجینیا کا ایک گریجویٹ ہے

تجزیہ

شیعہ حقوق و ضوابط کی اشاعت کا احتیاط سے تجزیہ کرنے سے اندازه ہوتا ہے کہ رپورٹ بہت ڈھیلی اختتام کی حامل ہے

رپورٹ غیر ذمہ داری طور پر کہتی ہے – کارکن نے اطلاع دی کہ اس بات چیت کے کچھ  منٹ بعد ایک گاڑی آکر رکی اور مزید یہ کہتی ہے کہ گواہوں نے اطلاع دی کہ بچے كا سر قلم کر دیا تھا

سب سے پہلے یہ، کہ رپورٹ سرکاری نہیں ہے، اور یہ نامعلوم کارکنوں اور گمنام گواہوں کا ذکر کرتی ہے

وہ گواہاں کون ہیں؟ ان گواہوں کا کیا اعتبار ہے؟ ان گواہوں کا کیا پس منظر  کیا ہے؟  ہم کیسے ان گواہوں کا کس طرح یقین کر سکتے ہیں؟ اس حقیقت کا کیا ثبوت ہے کہ بچہ اپنی ماں کے ساتھ ٹیکسی میں سفر کررہا تھا؟ ہم کیسے جانتے ہیں کہ بچه شیعہ تها؟ اور بہت سارے سوالات کے جوابات نہیں ہیں

دلچسپ بات یہ ہے کہ شیعہ حقوق کی یه تنظیم واشنگٹن ڈی-سی سے چلائی جاتی ہے – جس جگہ کو خمینی اور اس کے جانشین ملاه عظیم شیطان کہتے ہیں – کس طرح سے تمام برائیوں کا ذریعہ  ایک ملک ان کے اپنے پروپیگنڈے کی بنیاد بن گیا؟

کس طرح مدینہ سے 11,737 کلومیٹر دور سے ایک ایسی رپورٹ تیار کی جا سکتی ہے جو غیرمستند اور قابل بهروسه نه ہو؟

دوسری طرف منظر پرموجود افراد پر مبنی سرکاری رپورٹ (واشنگٹن کی نہیں) مکمل طور پر اس کے برعکس داستان فراہم کرتی ہے

سرکاری روایات کے مطابق — 35 سالہ حملہ آور ایک کافی شاپ کے اندر بیٹھا تھا (ٹیکسی ڈرائیونگ نہیں کررها تها) – جب اس نے ایک ریسٹورانٹ کے باہر ایک چھ سالہ بچہ گھومتے دیکھا – قاتل نے ماں کے ہاتھوں سے جلدی سے بچے کو پکڑا، ایک بوتل جسکو اسنے کافی شاپ کے قریب پایا اور اس بچے پر وار کیا – ایک پولیس اہلکار فوری طور پر پہنچ گیا لیکن معصوم بچہ بچا نہیں سکا

شیعہ حقوق و ضوابط کی طرف سے عیار رپورٹ نے جان بوجھ کر قارئین کو گمراه کرنے کی کوشش کی کہ سعودی عرب میں “شیعہ” کمیونٹی محفوظ نہیں ہے

ہم صرف یه جانتے ہیں که وہ بچہ معصوم تھا

اگر بچہ ایک “شیعہ” ہونے کی وجہ سے ہلاک کیا گیا تو پھر سعودی حکام نے اسے – جنت الابقی – مدینہ کے قدیم قبرستان میں دفن کیوں کیا، جہاں 14 صدی قبل  رسول الله کے تمام بڑے صحابیوں کو دفن کیا گیا تھا؟

سرکاری طور پر، حملہ آور ایک پاگل اور ایک نفسیاتی تھا، جس نے شیعہ یا سنی فرق کے بغیر کسی بھی سوچ کے بغیر، ایک لمحے میں جرم کا ارتکاب کیا

کیا سعودی شیعہ مظلوم ہیں؟

اگر سعودی حکومت نے شیعہ کمیونٹی کو جبر اور زبردستی سے توڑا هوتا، تو کوئی شیعہ قابل ذکر عہدوں پر نہیں هوتا

ندهمي النصر کی ہی مثال لیں جو نیوم سٹی کے سی ای او ہے اور شاہ عبداللہ یونیورسٹی آف سائنس اور ٹیکنالوجی میں انتظامیہ اور فنانس کے سابق ایگزیکٹو نائب صدر تهے

نتیجہ

جان بوجھ کر “گمنام” پروپیگنڈہ سعودی قیادت کو بدنام کرنے کے لئے سرمایہ کاری، حصص دار اور حصول داروں کو بهگانے اور سعودی عرب کی روشن معیشت کو تباه کرنےاور ترقی پسند سعودی سوسائٹی کو روکنے کی سازش ہے

سعودی سوسائٹی پر انسانی حقوق کے خلاف ورزی کرنے کا الزام لگانا ہے، شام اور یمن میں معصوم خواتین اور بچوں کی قاتلین کی پردہ پوشی کرنا ہے اور ایرانی جرائم اور قتل کو چهپانا هے

“میں اپنے اسلامي بھائیوں کے خلاف نہیں لڑوں گا”

برطانیہ نے بانی سعودیه بادشاہ عبدالعزیز – خدا کی رحمت انکی روح پر – سے عثمانی سلطنت کے خلاف لڑنے کا مطالبہ کیا، وہی سلطنت جس کا تختہ موجودہ ترک ریاست کے بانی اور اردگان کے ہیرو اور رول ماڈل “اتاترک” نے الٹا تھا

یوں برطانیہ نے شاہ عبد العزیز کو خلیفه کا لقب، اقتدار، مالی اور فوجی حمایت کی پیشکش کی، جو انہوں نے مسترد کر دی اور اس کے ر دعمل میں کہا

“میں اپنے اسلامي بھائیوں کے خلاف نہیں لڑوں گا”

بعدازاں، مكه کے شریف حسین، اور اردن کے بانی قوم پرست عرب انقلاب کے رہنما نے برطانوی پیشکش کو قبول کر ليا

شاہ عبدالعزیز نے اس پہ شریف مکہ کو جھٹلایا، اور جس کو شاہ عبدالعزیز نےظالمانہ اور ناقابل مافی سمجھا

شریف مکہ نے ردعمل میں 1924 میں شاه عبدالعزیز اور ان کے تحت نجد ڈومین سے تعلق رکھنے والے تمام حجاج پر پابندی لگادی- یہ وه آخری حربہ تھا جس پر حاشمی شریف حسین اور بادشاہ عبدالعزیز آلاسعود کے درمیان جنگ چھڑ گئی

تین ہزار افراد کی ایک قوت (زیادہ تر اوتیبه قبیلے سے تعالق رکهنے والے) نجد سے چلی اور شریف حسین کی طائف سے آئ افواج سے ٹکرا گئی

جنگ الہاویہ کے علاقعے میں ہوئی – کئی ناکام حملوں اور جھڑپوں کے بعد آلاسعود کے اخوانیوں نے ایک بهرپور طاقتور حملہ کیا ، جس نے شریف کی افواج کی پہلی صفوں کو پسپا ہونے پر مجبور کیا اور ناتجربه کار پچهلی صفوں کو غیر منظم کر کے پیچھے دھکیل دیا

شریف حسین نے اپنی فوج کی تائف سے مکمل واپسی کو دیکھ کر بادشاهت سے استعفی کا اعلان کرتے ہوئے اپنے بیٹے علی کو اقتدار دے دیا – اس اقدام نے بهی ہاشمیوں کی مدد نہیں کی اور انکی غیر منظم فوجیوں نے اپنے اسٹیشنوں کو چھوڑ دیا

لآخر عبدالعزیز کی فورسز 28 اکتوبر 1923 کو باآسانی بغیر مزاحمت کے مکہ میں داخل ہوئے – حسین شریف پہلے سے ہی اکابا اردن کے جانب سفر كر چكے تهے

کہتے ہیں ”اندھے کو اندھیرے میں بہت دور کی سوجھی“ حرم مکی اور اس کے آس پاس بارش کی وجہ سے ٹڈیوں ، جھینگروں ، اور کاکروچوں کی بہتات نے اخوانیوں کو وقتی طور پر پھر ایک بار خوش کر دیا ، یہ ٹڈی دل دیکھ کر من ہی من میں ابھی خوش ہو رہے تھے کہ آل سعود پہ اللہ کا عذاب آگیا ہے ، مگر بلدیہ مکہ نے تھوڑی ہی دیر میں انھیں صاف کرکے زٸرین حرم کو اس سے راحت پہونچادی ، اس کے لٸے مکہ مکرمہ میونسپلٹی نے 138افراد پر مشتمل 22ٹیمیں تعینات کیں انہیں 111مشینیں بھی دیدی گئیں۔ میونسپلٹی نے ایسے تمام مقامات کی نشاندہی کرلی ہے جہاں جہاں مکھی مچھر اور جھینگر زیادہ تعداد میں پیدا ہورہے ہیں۔

بالآخر اخوانیوں کا خوابِ خلافت پھر چکنا چور ہوگیا ، اور اللہ نے آل سعود کو حرم کی حفاظت کی توفیق دی ، اور عجیب ہے اللہ کی یہ مخلوق حرم میں پروانہ وار گر رہی ہے اور عذاب کا انتظار آل سعود پر کر رہے ہیں ، ارے بیوقوفو ! عذاب ہوتا تو انہیں پر گرتا ، حرم میں کیوں یہ گرتے ؟ اللہ نے ایسے ہی شکوک و شبھات سے پُر لوگوں کے بارے فرمایا : فِىْ قُلُوْبِـهِـمْ مَّرَضٌ فَزَادَهُـمُ اللّـٰهُ مَرَضًا ۖ
ان کے دلوں میں بیماری تھی اللہ نے ان کے دلوں کی اس بیماری کو اور بڑھا دیا ، اور جب ان سے کہاجاتا ہے زمین میں فساد مت کرو تو یہ جواب میں کہتے ہیں ہم تو اصلاح کر رہے ہیں ، خبردار یہی لوگ فساد کرنے والے ہیں لیکن انھیں سمجھ نہیں (سورة بقرة ١٢،١١،١٠) اصل میں یہ لوگ جس خلفشار کی امید میں ہیں وہ ابھی بہت دور ہے ، ابھی ایک ہفتہ پہلے پانی کا پاٸپ پھٹا تو بلا تحقیق کے اڑا دیا کی چشمہ پھوٹ گیا ، اور یہ وہی چشمہ ہے جو قرب قیامت کی نشانیوں میں سے بتایا گیا ہے .

اور شوشل میڈیا پہ خوب چلایا گیا، یعنی یہ اقتدار کے بھوکے خلافت و جمہوریت کے نام پر سب کچھ کرنے کوتیار ہیں حرمین میں تخریب کاری سے خوش ہوتے ہیں ، زاٸرین حرم کو پریشان اور مشکل میں دیکھ کر عذاب الہی سمجھ کر جھوم اٹھتے ہیں ، ان کی سوچ جو نہ رکھے اسے کافر اور اپنا دشمن سمجھتے ہیں ، بایں سبب یہ لوگ سعودی عرب پر میزاٸیل داغتے ہیں اور اگر ان کی سوچ رکھنےوالا کتنا ہی غلیظ کیوں نہ ہو انسانیت ہی نہیں بلکہ اھل سنت کا دشمن بھی ان کا دوست ہوجاتا ہے ۔ واللہ المستعان

ابو البشر حضرت آدم علیہ السلام سے لے کر جناب محمد رسول اللہ ﷺ تک جتنےبھی نبی یا رسول اس جہاں فانی میں مبعوث ہوئے ان سب کی بعثت کا مقصد ایک اللہ کی عبادت کی دعوت رہا،اور اللہ تعالیٰ نے نبوت و رسالت کے سنہری کڑی کو جناب محمد ﷺ پر ختم کیا ،اور آپ کی بعثت کا مقصد بھی دیگر انبیاء کرام علیہم السلام کی طرح دعوت توحیدہی رہا،آپ ﷺنے انسانوں کو انسانوں کی عبادت و غلامی سے نجات دلا کر اللہ واحد و قہار کی واحدانیت اور کبریائی سے آشنا کرکے اُن کی جبینوں کو خالق و مالک حقیقی کے در پر جھکایا،لوگوں کے سامنے ان کے حقیقی رب کا تصور پیش کیا اور ان کو اس بات سے آگاہ کیا کہ ایک اللہ کے عبادت میں ہی ان کی دنیا و آخرت کی کامیابی مضمر ہے،دعوت دین کی وجہ سے نبی اکرم ﷺ کو ان کی جائے پیدائش سے نکالا گیا، اڑھائی برس تک شعب ابی طالب میں محصور رکھا گیا، اُن کی ایسی آزمائش کی گئی کہ چشمِ فلک کے بھی آنسو نکل آئے۔ رحمۃللعالمینﷺ کو نازیبا کلمات کہے گئے، آپﷺ کو گالیاں دی گئیں، طائف کے بازاروں میں آپﷺ کے ابریشم سے بھی نازک جسمِ اطہر کو پتھروں سے مضروب کیا گیا اور جب نبی رحمت ﷺ ایک لمحے کے لیے کسی درخت کے سائے تلے آرام کے لیے رکتے تو آوارگان طائف پھر جسمِ اطہر کو تختۂ مشق ستم بنانے لگتے۔ غیراللہ کی نفی اوربت پرستی کے خلاف اعلان ِ بغاوت کرنے اور دعوتِ الی الحق دینے کی وجہ سے آپﷺکے اعزہ اور رفقائے کار کو وحشت ناک مصائب کی بھٹی میں جھونکا گیا۔دعوت دین میں آپ ﷺ کو انتہائی اندوہ ناک اور صبر آزما اذیتوں کا سامنا کرنا پڑا اور ایسی ایسی اذیتیں جن کے محض تصور سے ہی انسان کا دل کانپ اٹھتا ہے۔

آپ ﷺ جس مقصد کے لئے کائنات میں نبی و رسول بنا کر بھیجے گئے آپ نے اس فريضہ نبوت کو کما حقہ ادا کیا اور بالکلی عرب میں چرغ توحید کو روشن کیا،اور تمام عرب کے دل میں توحید جب رچ بس گیا تو اللہ کے حکم سے رفیق اعلیٰ سے جا ملے،دن و رات گردش کرتے رہیں،آبادیاں بڑھتی رہیں اور تدریج با تدریج لو گوں کے دلوں میں ایک اللہ کا تصور توباقی رہا مگر عمل کے میدان میں لوگ شرک ،بدعت اور ضلالت و گمراہی کے دلدل میں پھنستے چلے گئے یہاں تک کے آپ ﷺ کی بعثت کا جو اصل مقصد تھا لوگوں نے فراش کر کے آپ ﷺ کی ذات مبارکہ کو ہی الوہیت کے صف میں لا کر کھڑا کردیا،اور لبیک یا رسول اللہ،اغثنی یا رسول اللہ کے نارے بلند ہونے لگے اورمحبت رسول کے نام پر امت میں مختلف انواع و اقسام کے شرکیات نے رواج پا لیا اور کہیں لا علمی تو کہیں جان بوجھ کر لوگوں نے ان شرکیات و بدعات کو ہی اصل دین سمجھ لیا۔

ذیل میں ہم ان شاء اللہ کتاب و سنت کی روشنی میں اللہ کے رسول ﷺ کی بعثت کے بعض مقاصد کا تذکرہ کر رہیں ہیں ۔

پہلا مقصد : ایک اللہ کی عبادت کی دعوت : اللہ تعالیٰ نے آپ ﷺ کو ساری کائنات کے انسانوں اور جنوں کے لئے نبی اور رسول بنا کر مبعوث ،آپ کی بعثت جس زمانے میں ہوئی وہ زمانہ اور اس زمانے کے لوگ شرک اور ضلالت و گمراہی کے اندھیروں میں سرگرداں پھر رہے تھے،لہذا اللہ تعالیٰ نے سب سے پہلے آپ کو کلمہ لا الہ اللہ کی دعوت کا حکم دیا کہ لوگو کو اس بات سے آگاہ کر دیں کہ وہ جنکی بھی عبادتیں کر رہیں ہیں یہ سب کے سب باطل اور منگھڑت معبود ہیں ،ان کا حقیقی معبود ایک ہے اور وہ اللہ کی ذات ہے،اللہ تعالیٰ نے بعثت کے اس مقصد کو قرآن مجید میں بیان کیا اور فرمایا کہ { وَلَقَدْ بَعَثْنَا فِي كُلِّ أُمَّةٍ رَسُولا أَنْ اُعْبُدُوا اللَّهَ وَاجْتَنِبُوا الطَّاغُوتَ } ترجمہ : ہم نے ہر امت میں رسول بھیجا کہ (لوگو) صرف اللہ کی عبادت کرو اور اس کے سوا تمام معبودوں سے بچو ( سورۃ النحل /36) اور طاغوت کا اطلاق شریعت کی اصطلاح میں ہر اس چیز پر ہے جس کی اللہ کے علاوہ عبادت کی جائے یا ہو و چیز ہے جو اپنی عبادت کے طرف دعوت دے، اللہ تعالیٰ نے عقیدہ توحید کی دعوت کے لئے تمام انبیاء کے بعثت کا مقصد بتایا اور اللہ تعالیٰ نے فرمایا کہ {وَاسْأَلْ مَنْ أَرْسَلْنَا مِنْ قَبْلِكَ مِنْ رُسُلِنَا أَجَعَلْنَا مِنْ دُونِ الرَّحْمَانِ آلِهَةً يُعْبَدُونَ}ترجمہ : اور ہمارے ان نبیوں سے پوچھو !جنہیں ہم نے آپ سے پہلے بھیجا تھا کہ ہم نے سوائے رحمٰن کے اور معبود مقرر کئے تھے جن کی عبادت کی جائے؟۔

دوسرا مقصد : تبشیر و انذار : نبی ﷺ کی بعثت کا ایک مقصد یہ ہیکہ جو لوگ دعوت توحید کو قبول کر کے اللہ اور اس کے رسول کے بیان کر دہ ضوابط کے مطابق زندگی گزاریں تو ان کو آپ ﷺ اللہ کی نعمتوں والی جنت کی خوشخبری سنائیں،اور اس کے بر عکس جو لوگ آپ کی دعوت قبول نہ کریں اوراپنی نفسانی خواہشات کے مطابق زندگی گزارکرشرکیات و خرافات میں مبتلا رہیں ان کو آپ اللہ کے تیار کردہ عذاب سے ڈرائیں جیساکہ اللہ تعالیٰ کا ارشاد ہے {وَمَا نُرْسِلُ الْمُرْسَلِينَ إِلَّا مُبَشِّرِينَ وَمُنْذِرِينَ }ترجمہ : ہم تو اپنے رسولوں کو صرف اس لئے بھیجتے ہیں کہ وہ خوشخبریاں سنادیں اور ڈرادیں (سورۃ الکھف/56) مزید اللہ تعالیٰ نے آپ کی بعثت کے اس مقصد کو بیان کیا کہ {رُسُلا مُبَشِّرِينَ وَمُنذِرِينَ لأَلا يَكُونَ لِلنَّاسِ عَلَى اللَّهِ حُجَّةٌ بَعْدَ الرُّسُلِ وَكَانَ اللَّهُ عَزِيزًا حَكِيمًا} ترجمہ : ہم نے انہیں رسول بنایا ہے خوشخبریاں سنانے والے اور آگاہ کرنے والے تاکہ لوگوں کی کوئی حجت اور الزام رسولوں کے بھیجنے کے بعد اللہ تعالیٰ پر رہ نہ جائے اللہ تعالیٰ بڑٓ غالب اور بڑا با حکمت ہے۔( سورۃ النساء/165)۔

تیسرا مقصد : لوگوں کو زندگی کےبنیادی اختلاف سے نکالنے اور رضائے الہٰی کے مطابق زندگی گزارنے کی رہنمائی: اللہ کے رسول ﷺ کی بعثت کا ایک مقصد یہ بھی ہیکہ آپ نے لوگوں کے اصول زندگی میں پائے جانے والے تمام تر اختلافات کا حل وحی الہٰی کی روشنی میں پیش کیا، اور ان کو یہ بتایا کہ ان کی زندگی کا مقصد صرف اور صرف ایک اللہ کی عبادت ہو اور اس عبادت کے ذریعہ رضاالہیٰ مقصود ہونی چاہئے،جیساکہ جب ہم صحابہ کرام رضی اللہ عنہم کی زندگی میں غور و فکر کریں تو اس بات کا علم ہو جائیگا کہ صحابہ کرام کی زندگی کے ہر لمحات جہاں توحید و سنت کی اتباع تھی وہیں وہ نفوس قدسیہ صرف اور صرف رضائے الہٰی کے متلاشی تھے ،اللہ تعالیٰ نے آپ کی بعثت کے اس مقصد کی وضاحت اپنی کلام مزید میں یو ں بیان کیا کہ {وَمَا أَنزَلْنَا عَلَيْكَ الْكِتَابَ إِلا لِتُبَيِّنَ لَهُمْ الَّذِي اخْتَلَفُوا فِيهِ وَهُدًى وَرَحْمَةً لِقَوْمٍ يُؤْمِنُونَ}ترجمہ : اس کتاب کو ہم نے آپ پر اس لئے اتارا ہے کہ آپ ان کے لئے ہر اس چیز کو واضح کر دیں جس میں وہ اختلاف کر رہے ہیں اور یہ ایمان داروں کے لئے راہنمائی اور رحمت ہے۔(سورۃ النحل/64)۔

چوتھا مقصد : لوگوں کی تعلیم اور ان کا تزکیہ نفس :آپ ﷺ کی بعثت کا ایک اہم مقصد یہ ہیکہ اللہ رب العالمین نےجہاں آپ کو امام اعظم بنا کر مبعوث کیا وہیں آپ ﷺ کو معلم اعظم بنایا اور آپ نے لوگوں کو کتاب و حکمت کی تعلیم دی،ان تمام اعمال کی نشاندہی کی جو اللہ تعالیٰ سے قریب کرنے والی ہیں،وہیں آپ ﷺ نے ان تمام اعمال سے امت کو آگاہ کی اجو اللہ تعالیٰ سے دور اور جہنم کے قریب کرنے والی ہے،آپ نے لوگوں کو کتاب و حکمت کی تعلیم دی ،اور آپ ﷺ نے کتاب و حکمت کی تعلیم کے ذریعہ لوگوں کے اندر پائے جانے والے میل کچیل سے ان کے نفس کا تزکیہ کیا اور تاریخ اس بات کی شاہد ہیکہ اس تزکیہ نفس کی وجہ سے جو قوم تاریخ کے اوراق میں سب سے پچھڑی ہوئی اور پسماندہ اور غیر مہذب تصور کی جاتی تھی وہی قوم تاریخ کے پارینہ اوراق میں دینی اور معاشرتی طور پر سب سے کامیاب لکھی گئی،اللہ تعالیٰ نے آپ کی بعثت کے اس مقصد کو قرآن مجید میں یوں بیان فرمایا کہ {هُوَ الَّذِي بَعَثَ فِي الأُمِّيِّينَ رَسُولا مِنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمْ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلالٍ مُبِينٍ} ترجمہ : وہی ہے جس نے ناخواندہ لوگوں میں ان ہی میں سے ایک رسول بھیجا جو انہیں اس کی آیتیں پڑھ کر سناتا ہے اور ان کو پاک کرتا ہے اور انہیں کتاب وحکمت سکھاتا ہے،یقینا ی اس سے پہلے کھلی گمراہی میں تھے۔(سورۃ الجمعۃ /2)۔

پانچواں مقصد : اقامت دین،اختلاف سے روکنے اور اللہ کی شریعت کے مطابق فیصلہ کرنے کے لئے: اللہ تعالیٰ نے تمام انبیاء کرام علیہم السلام کو اور بالخصوص ہمارے نبی ﷺ کو یہ ایک عظیم مشن دیکر بھیجا کہ آپ اللہ کی وحدانیت پر دین کا قیام کریں لوگوں کو اس دین کی دعوت دیں،اس دین پر مکمل عمل کرنے کی تلقین کریں،اور لوگوں کو ان کے دینی و معاشرتی تمام تر معاملات میں ہر طرح کے اختلافات سے دور رہنے کی تلقین کریں،اور جب آپسی اختلاف ہو جائے تو اللہ کی وحی کے ذریعہ فیصلہ کرکے ان اختلافات کا حل کریں کیونکہ اللہ کی وحی کے علاوہ کہیں اور سے فیصلہ کرنا طاغوت کی حاکمیت قبول کرنا ہے اور شریعت نے اسے شرک اکبر سے تعبیر کیا ہے،بعثت کی اس مقصد کو اللہ تعالیٰ نے قرآن مجید میں یوں بیان کیا کہ{شَرَعَ لَكُمْ مِنْ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلا تَتَفَرَّقُوا فِيهِ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ} ترجمہ : اللہ تعالیٰ نے تمہارے لئے وہی دین مقرر کر دیا ہے جس کے قائم کرنے کا اس نے نوح (علیہ السلام) کو حکم دی تھا اور جو (بذریعہ وحی)ہم نے تیری طرف بھیج دی ،اور جس کی تاکید ہم نے ابراہیم اور موسیٰ اور عیسیٰ (علیہم السلام ) کو دیا تھ اکہ اس دین کو قائک رکھنا اور اس میں پھوٹ نہ ڈالنا جس چیز کی طرف آپ انہیں بلا رہے ہیں وہ تو(ان) مشرکین پر گراں گزرتی ہے اللہ تعالیٰ جسے چاہتا ہے اپنا برگزیدہ بناتا ہے اور جو بھی اس کی طرف رجوع کرے وہ اس کی صحیح رہنمائی کرتا ہے۔(سورۃ الشوری/13)۔مزید آپ ﷺ کی بعثت کا یہ مقصد قرآن مجید ایک اور آیت کریمہ سے ہوتی ہے جہاں اللہ تعالیٰ کا ارشاد ہے{إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللَّهُ وَلا تَكُنْ لِلْخَائِنِينَ خَصِيمًا} ترجمہ : یقینا ہم نے تمہاری طرف حق کے ساتھ اپنی کتاب نازل فرمائی ہے تاکہ تم لوگوں میں اس چیز کے مطابق فیصلہ کرو جس سے اللہ نے تم کو شناسا کیا ہے اور خیانت کرنے والوں کے حمایتی نہ بنو۔(سورۃ النساء/105)۔

چھٹا مقصد : لوگ آپ کی سیرت طیبہ کو اپنے لئے اسوہ اور نمونہ سمجھیں : آپ ﷺ کی بعثت کا ایک اہم مقصد یہ بھی ہیکہ ہر مسلمان اپنی زندگی کے تمام تر مراحل میں آپ کو اپنے لئے اسوہ و نمونہ سمجھے اور آپ کی لائی ہوئی شریعت پر آپ کی سیرت طیبہ کی روشنی میں عمل پیرا ہو،کیونکہ آپ کی اتباع میں ہی دنیا و آخرت کی کامیابی و کامرا نی مضمر ہے،کیونکہ آپ کی اتباع و تابعداری در حقیقت اللہ کی اتباع و تابع داری ہے،لہذا ہر مسلمان کو اس بات کا عمل ہونا چاہئے کہ اس کائنات کے اندر اگر کوئی ذات ہمارے لئے اسوہ و نمونہ ہو سکتی ہے اور کسی کی اتباع و تابعداری کی جاسکتی ہے تو وہ صرف اور صرف اللہ کے رسولﷺ کی ذات مبارکہ ہے جیسا کہ اللہ تعالیٰ نے بعثت کی اس مقصد کو اپنی کتاب عزیز میں یوں بیان کیا کہ {لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآخِرَ وَذَكَرَ اللَّهَ كَثِيرًا}ترجمہ : یقینا تمہارے لئے رسول اللہ میں عمدہ نمونہ (موجود) ہے،ہر اس شخص کے لئےجو اللہ تعالیٰ کی اور قیامت کے دن کی توقع رکھتا ہے اور بکثرت اللہ تعالیٰ کی یاد کرتا ہے۔ (سورۃ الأحزاب:21)۔

ساتواں مقصد : بندوں پر اقامت حجت کے لئے:اللہ رب العالمین نے نبی اکرم ﷺکو ساری کائنات کے لئے اپنا آخری نبی و رسول بنا کر مبعوث کیا ب آپ کے بعد کوئی نبی یا رسول اس کائنات میں قیامت تک نہیں آنے والا اور اگر کسی نے اپنی نبوت و رسالت کا دعوہ بھی کیا تو وہ کائنات کا سب سے بڑا کذاب و دجال شمار کیا جائے گا،اللہ کے رسول ﷺ کی بعثت کا ایک اہم مقصد یہ ہیکہ آپ کو بھیج کراللہ تعالیٰ نے اتمام حجت کر دیا تاکہ کوئی یہ نہ کہے کہ {لَوْلا أَرْسَلْتَ إلَيْنَا رَسُولاً فَنَتَّبِعَ آياتكَ مِن قَبْلِ أَن نَّذِلَّ ونَخْزَى} ترجمہ : اے ہمارے پروردگار تونے ہمارے پاس اپنا رسول کیوں نہ بھیجا؟ کہ ہم تیری آیتوں کی تابعداری کرتے اس سے پہلے کہ ہم ذلیل و رسوا ہوتے۔(سورۃ طہ/134)،اس لئے اللہ تعالیٰ نے قرآن مجید کی ایک دوسری آیت کریمہ میں بعثت کی اس مقصد کو یوں واضح کیا کہ {رُسُلا مُبَشِّرِينَ وَمُنذِرِينَ لأَلا يَكُونَ لِلنَّاسِ عَلَى اللَّهِ حُجَّةٌ بَعْدَ الرُّسُلِ وَكَانَ اللَّهُ عَزِيزًا حَكِيمًا} ترجمہ : ہم نے انہیں رسول بنایا ہے خوشخبریاں سنانے والے اور آگاہ کرنے والے تاکہ لوگوں کی کوئی حجت اور الزام رسولوں کے بھیجنے کے بعد اللہ تعالیٰ پر رہ نہ جائے اللہ تعالیٰ بڑٓ غالب اور بڑا با حکمت ہے۔( سورۃ النساء/165)۔

یہ وہ بعض مقاصد ہیں جن کےبر آوری کے لئے اللہ کے رسول ﷺ کو اللہ تعالیٰ ے نبوت و رسالت دیکر پوری کائنات کی طرف بھیجا ،اور افسوس کے ساتھ یہ کہنا پڑھتا ہیکہ آج امت اسلامیہ کی اکثریت نبی ﷺ کی بعثت کےاہم مقاصد کو بھول چکی ہے،جس کا سب سے بڑا خسارہ آج ہم نبی کائنات کے نام پر ہونے والے بدعات و خرافات کو دیکھتے ہیں۔۔ اللہ تعالی ٰ ہم سب کو کتاب و سنت کی صحیح سمجھ دے ۔۔ آمین